ಗೋಶಾಲೆ ನಿರ್ಮಾಣ

“ಗೋವುಗಳು” ನಿಸ್ವಾರ್ಥತೆ, ಅನುಗ್ರಹ ಮತ್ತು ಸಮೃದ್ದಿಯ ಸಂಕೇತವಾಗಿವೆ. ಆದ್ದರಿಂದ ಅವುಗಳನ್ನು ಪೂಜ್ಯನೀಯ ಭಾವನೆಯಿಂದ ಕಾಣಲಾಗುತ್ತದೆ. ಗೋವುಗಳು ಎಲ್ಲವನ್ನೂ ಶುದ್ಧೀಕರಿಸುವ ಶಕ್ತಿಯನ್ನು ಹೊಂದಿರುತ್ತವೆ ಎಂದು ನಂಬಲಾಗುತ್ತದೆ.

ಈಗಿನ ಆಧುನಿಕತೆಯ ಕಾಲದಲ್ಲಿ ಇಂತಹ ಅಮೂಲ್ಯವಾದ ಗೋಸಂಪತ್ತು ನಾಶದ ಸ್ಥಿತಿ ತಲುಪುತ್ತಿದೆ. ಹಾಗಾಗಿ ಅದನ್ನು ಸಂರಕ್ಷಿಸುವ ಸಲುವಾಗಿ ಕುಂಚೇಬೈಲಿನ ಧ್ಯಾನ ಮಂದಿರದಲ್ಲಿ ಅನೇಕ ಹಸುಗಳನ್ನು ಸಾಕಲಾಗಿದೆ. ಈ ಜಾಗದಲ್ಲಿ ಹಸುಗಳು ಸ್ವಚ್ಛಂದವಾಗಿ ವಿಹರಿಸುತ್ತಾ, ಒಳ್ಳೆಯ ಪರಿಸರದಲ್ಲಿ ಬೆಳೆಯುತ್ತಿವೆ.

ಧಾರ್ಮಿಕ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮಗಳು

1. ಜ್ಞಾನಜ್ಯೋತಿ ಮಂದಿರದಲ್ಲಿ ಶೃಂಗೇರಿಯ ದಕ್ಷಿಣಾಮ್ನಾಯ ಶ್ರೀ ಶಾರದಾ ಪೀಠದ ಜಗದ್ಗುರುಗಳಾದ ಪರಮಪೂಜ್ಯ ಶ್ರೀ ಶ್ರೀ ಭಾರತೀತೀರ್ಥ ಮಹಾಸನ್ನಿಧಾನಂಗಳವರ ಪರಿಪೂರ್ಣ ಆಶೀರ್ವಾದದೊಂದಿಗೆ ತತ್ಕರಕಮಲ ಸಂಜಾತರಾದ ಜಗದ್ಗುರು ಶ್ರೀ ಶ್ರೀ ವಿಧುಶೇಖರ ಭಾರತಿ ಸನ್ನಿಧಾನಂಗಳವರ ದಿವ್ಯ ಸಾನ್ನಿಧ್ಯ.

17 ಜೂನ್ 2019 ಶೃಂಗೇರಿಯ ಜಗದ್ಗುರುಗಳಾದ ಶ್ರೀ ಶ್ರೀ ವಿಧುಶೇಖರ ಭಾರತಿ ಸನ್ನಿಧಾನಂಗಳವರು ಕುಂಚೇಬೈಲಿನ ಜ್ಞಾನಜ್ಯೋತಿ ಮಂದಿರಕ್ಕೆ ಆಗಮಿಸಿರುತ್ತಾರೆ.ಆ ಸಂದರ್ಭದಲ್ಲಿ ಪೂರ್ಣಕುಂಭ ಸ್ವಾಗತ ಕೋರಲಾಯಿತು. ನಂತರ ಸನ್ನಿಧಾನಂಗಳವರು ಆಶೀರ್ವಚನ ನೀಡಿ ಸರ್ವರಿಗೂ ಶುಭಾಶೀರ್ವಾದವÀನ್ನು ನೀಡಿರುತ್ತಾರೆ.

2. “ಹೃದಯ ಸಂಗಮ”

“ಹೃದಯ ಸಂಗಮ” ಹೆಸರೇ ಸೂಚಿಸುವಂತೆ ಎಲ್ಲ ಹೃದಯಗಳ ಸಂಗಮವಾಗಿಸುವ ಒಂದು ಅದ್ಭುತ ಕಾರ್ಯಕ್ರಮ. ವರ್ಷಕ್ಕೊಮ್ಮೆ ಎಲ್ಲರೂ ಒಟ್ಟಾಗಿ ಸೇರಿ ಧಾರ್ಮಿಕ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ಭಾಗವಹಿಸುವುದರಿಂದ ದೈವೀಕ ಶಕ್ತಿ ಹೆಚ್ಚುವುದರ ಜೊತೆಗೆ ಎಲ್ಲರೂ ಒಟ್ಟಾಗಿ ಆನಂದವಾಗಿ ಇರಲು ಒಂದು ಸದಾವಕಾಶವನ್ನು ಈ ಕಾರ್ಯಕ್ರಮವು ಮಾಡಿಕೊಟ್ಟಿರುತ್ತದೆ ಹಾಗೂ ‘ವಸುದೈವ ಕುಟುಂಬಕo’ ಪರಿಕಲ್ಪನೆಯನ್ನು ಈ ಜಾಗದಲ್ಲಿ ಅನುಭವ ಮಾಡಬಹುದಾಗಿದೆ.

ಇಲ್ಲಿ ನಡೆಯುವ ಎಲ್ಲಾ ಧಾರ್ಮಿಕ ಕಾರ್ಯಕ್ರಮಗಳೂ ಲೋಕಕಲ್ಯಾಣಾರ್ಥವಾಗಿಯೇ ನಡೆಯುವುದು ವಿಶೇಷವಾಗಿದೆ. ಯಾವುದೇ ಕಾರ್ಯವನ್ನು ಒಟ್ಟಿಗೆ ಮಾಡುವುದರಿಂದ ಅಲ್ಲಿ ಉಂಟಾಗುವ ದೈವೀಕ ಶಕ್ತಿಯನ್ನು ಪ್ರಕೃತಿಗೆ ನೀಡುವುದರಿಂದ ಪ್ರಕೃತಿ ಹಾಗೂ ಸಮಾಜದಲ್ಲಿ ನಡೆಯುತ್ತಿರುವ ವೈಪರೀತ್ಯಗಳು, ಅನಾಹುತಗಳು ನಿವಾರಣೆಯಾಗಿ ಲೋಕಕಲ್ಯಾಣವಾಗಲಿ ಎನ್ನುವುದು ಈ ಕಾರ್ಯಕ್ರಮಗಳ ಮೂಲ ಉದ್ದೇಶವಾಗಿದೆ.

ಇಲ್ಲಿ ಯಾವುದೇ ಭೇಧ-ಭಾವವಿಲ್ಲದೇ ಎಲ್ಲರೂ ಒಟ್ಟಾಗಿ ಆನಂದವಾಗಿ ಕಾರ್ಯಕ್ರಮದಲ್ಲಿ ಭಾಗವಹಿಸುತ್ತಾರೆ. ಹಾಗೇ ಈಗಿನ ಆಧುನಿಕ ಯುಗದ ವಿಭಕ್ತ ಕುಟುಂಬಗಳಿಗೆ ಹಾಗೂ ಮುಖ್ಯವಾಗಿ ಮಕ್ಕಳಿಗೆ ಇಂತಹ ಕಾರ್ಯಕ್ರಮಗಳ ವಾತಾವರಣದ ಅವಶ್ಯಕತೆ ಇದೆ. ಮಕ್ಕಳು ಇದರಲ್ಲಿ ಭಾಗವಹಿಸಿ ಅವರಿಗೇ ತಿಳಿಯದಂತೆ ಒಳ್ಳೆಯ ಸಂಸ್ಕಾರವನ್ನು ಬೆಳೆಸಿಕೊಳ್ಳುತ್ತಾರೆ. ಪ್ರತೀ ವರ್ಷ ಬಂದು ಇದರಲ್ಲಿ ಭಾಗವಹಿಸುತ್ತಾ ಆ ಮಕ್ಕಳು ಉತ್ತಮ ರೀತಿಯ ಬೆಳವಣಿಗೆ ಹೊಂದುವುದನ್ನು ಕಾಣಬಹುದಾಗಿದೆ. ಕೇವಲ ಮಕ್ಕಳಷ್ಟೇ ಅಲ್ಲದೇ ಎಲ್ಲಾ ವಯೋಮಿತಿಯ ಜನರೂ ಇಲ್ಲಿ ಬಂದು ಆನಂದದಿoದ ಇದರಲ್ಲಿ ಪಾಲ್ಗೊಂಡು ವಿಶೇಷವಾದ ಜ್ಞಾನವನ್ನು, ಅನುಭವವನ್ನು ಪಡೆಯುತ್ತಾರೆ. ಕುಟುಂಬ ಹಾಗೂ ಸಂಬAಧಗಳ ಮಹತ್ವ, ನಮ್ಮ ಸಂಸ್ಕೃತಿ ಹಾಗೂ ಪದ್ಧತಿಗಳ ಬಗೆಗಿನ ಅರಿವು ಇವೆಲ್ಲವೂ ಈ ಕಾರ್ಯಕ್ರಮದ ಮೂಲಕ ಅನಾವರಣಗೊಳ್ಳತ್ತವೆ.

3. “ಶ್ರೀನಿವಾಸ ಕಲ್ಯಾಣ ಮಹೋತ್ಸವ”

ಮಲೆನಾಡಿನ ಸುಂದರ ಮಡಿಲಿನಲ್ಲಿ ಇರುವ ದೇಶದ ಐತಿಹಾಸಿಕ ಶಾರದಾಂಬೆಯ ಸನ್ನಿಧಿಯಾದ ಶೃಂಗೇರಿಯಲ್ಲಿ ಹಿಂದೆದೂ ಆಗಿರದ ವಿಶೇಷ ಕಾರ್ಯಕ್ರಮಕ್ಕೆ ಜ್ಞಾನಜ್ಯೋತಿ ಮಂದಿರವು ಸಾಕ್ಷಿಯಾಯಿತು. ಅದೇ “ಶ್ರೀನಿವಾಸ ಕಲ್ಯಾಣ ಮಹೋತ್ಸವ”. ಈ ಕಾರ್ಯಕ್ರಮ ಮಾಡುವ ಮುಖ್ಯ ಉದ್ದೇಶವೇನೆಂದರೆ ಲೋಕಕಲ್ಯಾಣ ಹಾಗೂ ನಮ್ಮ ಪಂಚೇದ್ರಿಯಗಳನ್ನು ಶುದ್ಧಿ ಮಾಡಿಕೊಳ್ಳುವುದು. ಹಾಗೂ ನಮ್ಮ ಸಂಕಲ್ಪಗಳನ್ನು ಭಗವಂತನ ಮುಂದೆ ಇಟ್ಟು ಅವನ ಆಶೀರ್ವಾದವನ್ನು ಪಡೆಯುವುದು, ಭಗವಂತನ ಮೇಲೆ ಇರುವ ನಂಬಿಕೆ, ವಿಶ್ವಾಸವನ್ನು ಹೆಚ್ಚಿಸಿಕೊಂಡು ಕೆಲ ಕ್ಷಣಗಳು ಜಗದೊಡೆಯನ ಜೊತೆ ಇದ್ದು, ಅವನ ಕೃಪೆಗೆ ಪಾತ್ರರಾಗುವುದು. ನಮ್ಮೆಲ್ಲರ ಈಪ್ಸಿತದಾಯಕ ಜಗದೊಡೆಯ ವೆಂಕಟರಮಣನೇ ಆಗಮಿಸಿ, ಮನದನ್ನೆಯಾದ ಪದ್ಮಾವತಿಯನ್ನು ವರಿಸಿ ಭಕ್ತರನ್ನು ಹರಸುವ ಅಭೂತಪೂರ್ವ ಸಂಭ್ರಮದ ಕಾರ್ಯಕ್ರಮ ಇದಾಗಿದೆ.

ಎಲ್ಲಿ ಭಕ್ತರು ಸೇರುತ್ತಾರೋ ಅದೇ ಭಗವಂತನ ಆವಾಸ ಸ್ಥಾನವಾಗುವುದು. ಎಲ್ಲಿ ಭಗವಂತನ ಆವಾಸ ಸ್ಥಾನವಾಗುವುದೋ ಅಲ್ಲಿ ಸುವೃಷ್ಟಿ ಹಾಗೂ ಸುಭಿಕ್ಷೆ ಉಂಟಾಗುವುದು ಎಂಬುದು ಅನುಭವವೇದ್ಯರ ಅಭಿಪ್ರಾಯವಾಗಿದೆ. ಅತ್ಯಂತ ವೈಭವದಿಂದ ನಡೆದ ಈ ಕಾರ್ಯಕ್ರಮದಲ್ಲಿ ಸುಮಾರು ೨೦೦೦ ದಂಪತಿಗಳು ಹಾಗೂ ಒಟ್ಟಾರೆಯಾಗಿ ೪,೫೦೦-೫೦೦೦ ಜನರು ಇದರಲ್ಲಿ ಭಾಗವಹಿಸಿ ಸಾರ್ಥಕತೆಯನ್ನು ಪಡೆದಿರುತ್ತಾರೆ. ಕಾರ್ಯಕ್ರಮದ ಕೊನೆಯಲ್ಲಿ ಮದುವೆ ಆಗದ ಯುವಕ ಯುವತಿಯರಿಗೆ ವಿಶೇಷವಾಗಿ ಸಂಕಲ್ಪವನ್ನು ಮಾಡಿಸಲಾಯಿತು. ಭಾಗವಹಿಸಿದ್ದ ಸುಮಾರು ವರ್ಷಗಳಿಂದ ಮದುವೆಯಾಗದೇ ಇದ್ದ ಸುಮಾರು ೪೨ ಜನ ಕುಮಾರಿ ಹಾಗೂ ಕುಮಾರರಲ್ಲಿ ೩೮ ಜನರಿಗೆÀ ಕಲ್ಯಾಣವಾಗಿದ್ದು ಈ ಕಾರ್ಯಕ್ರಮದ ವಿಶೇಷ. ಹಾಗೆಯೇ ಈ ಶುಭಸಂದರ್ಭದಲ್ಲಿ ಸಾಂಸ್ಕೃತಿಕ ಕಾರ್ಯಕ್ರಮಗಳೂ ನೆರವೇರಿರುತ್ತದೆ.

4. ಗುರು ಪೂರ್ಣಿಮೆ

ಗುರುಬ್ರಹ್ಮ ಗುರುವಿಷ್ಣು ಗುರುರ್ದೇವೋ ಮಹೇಶ್ವರಃ

ಗುರುಸಾಕ್ಷಾತ್ ಪರಬ್ರಹ್ಮ ತಸ್ಮೆöÊಶ್ರೀ ಗುರವೇ ನಮಃ

ಗುರುವು ಬ್ರಹ್ಮನಾಗಿದ್ದಾನೆ(ಸೃಷ್ಟಿ). ಗುರುವು ವಿ಼ಷ್ಣುವಾಗಿದ್ದಾನೆ(ಸ್ಥಿತಿ), ಗುರುವು ಮಹೇಶ್ವರನಾಗಿದ್ದಾನೆ(ಲಯ). ಅವನೇ ಸಾಕ್ಷಾತ್ ಪರಬ್ರಹ್ಮನೂ ಆಗಿದ್ದಾನೆ. ಜಗತ್ತಿನ ಈ ಮೂರು ಸ್ಥಿತಿಗಳು(ಸೃಷ್ಟಿ, ಸ್ಥಿತಿ, ಲಯ) ಬೇರೆಬೇರೆಯಾರೂ ಅದು ಒಂದೆಡೆ ನೆಲೆಯಾಗುತ್ತದೆ ಎಂದರೆ ಅದು “ಗುರು”ವಿನಲ್ಲಿ. ಅಂತಹ ಗುರುವಿಗೆ ನನ್ನ ನಮಸ್ಕಾರಗಳು. ಎಂಬುದು ಮೇಲಿನ ಶ್ಲೋಕದ ಅರ್ಥವಾಗಿದೆ.

ಭೂಮಂಡಲದ ಎಲ್ಲಾ ಪ್ರಾಣಿಗಳಂತೆ ಮನುಷ್ಯನೂ ಪ್ರಾಣಿಯೇ ಆದರೂ ತನ್ನ ಯೋಚನಾ ಶಕ್ತಿಯಿಂದ ಅವನು ಉಳಿದೆಲ್ಲ ಪ್ರಾಣಿಗಳಿಗಿಂತ ವಿಭಿನ್ನ. ಹಾಗಾಗಿ ಅವನ ಜೀವನವೂ ವಿಭಿನ್ನ ರೀತಿಯಲ್ಲ್ಲಿರುತ್ತದೆ. ಆ ಜೀವನವು ಉತ್ತಮವಾಗಿ, ಸಂಸ್ಕಾರಯುತವಾಗಿ ರೂಪುಗೊಳ್ಳಬೇಕಾದರೆ ಅದಕ್ಕೆ ಉತ್ತಮ ಗುರುವಿನ ಅವಶ್ಯಕತೆ ಇರುತ್ತದೆ. ಎಲ್ಲಾ ಮಹಾನ್ ವ್ಯಕ್ತಿಗಳ ಜೀವನವನ್ನು ಗಮನಿಸಿದರೆ ಅವರ ಜೀವನದ ಹಂತಗಳಲ್ಲಿ ಆ ಗುರುವಿನ ಶಕ್ತಿಯು ಮಾರ್ಗದರ್ಶಕರಾಗಿ ಅವರ ಜೊತೆಗಿರುವುದು ಕಂಡುಬರುತ್ತದೆ. ಒಬ್ಬ ಸಾಮಾನ್ಯ ಮನುಷ್ಯ ಮಹಾನ್ ವ್ಯಕ್ತಿ ಆಗುವುದಕ್ಕೆ ಆ ಗುರುವಿನ ಕೃಪೆ ಅತ್ಯಗತ್ಯವಾಗಿರುತ್ತದೆ.

ನಮ್ಮ ಜೀವನದಲ್ಲಿ ಎರಡು ರೀತಿಯ “ಹುಟ್ಟು” ಇರುತ್ತದೆ. ಒಂದು ‘ತಾಯಿಯ ಗರ್ಭದಿಂದ’ ಹಾಗೂ ಇನ್ನೊಂದು ‘ಗುರುವಿನಿಂದ’. ತಾಯಿ ಜೀವವನ್ನು ನೀಡಿದರೆ, ಜೀವನವನ್ನು ನೀಡುವವರೇ “ಗುರು”. ಹೀಗೆ ಪ್ರತಿಕ್ಷಣ ಜೊತೆಗಿದ್ದು ಜೀವನದ ಅರ್ಥ, ಗುರಿ, ಆ ಗುರಿ ಸಾಧಿಸಲು ಇರುವ ಮಾರ್ಗವನ್ನು ತೋರಿಸಿ, ಅಜ್ಞಾನವನ್ನು ನಾಶ ಮಾಡಿ ಜ್ಞಾನದ ಬೆಳಕನ್ನು ತೋರಿ ಮಾರ್ಗದರ್ಶನ ನೀಡುವ ಆ ಗುರುವೆಂಬ ಶಕ್ತಿಗೆ ಹೃದಯ ಪೂರ್ವಕವಾಗಿ ಕೃತಜ್ಞತೆ ಸಲ್ಲಿಸುವ ಸುಂದರವಾದ, ಹೃದಯಸ್ಪರ್ಶಿ ದಿನವೇ “ಗುರು ಪೂರ್ಣಿಮೆ”.

ಪ್ರತಿ ವರ್ಷವೂ ಗುರು ಪೂರ್ಣಿಮೆಯ ದಿನದಂದು ಕುಂಚೇಬೈಲಿನ ಧ್ಯಾನಮಂದಿರದಲ್ಲಿ ಎಲ್ಲರೂ ಒಟ್ಟಿಗೇ ಸೇರಿ ಜೀವನವನ್ನು ಸುಂದರವಾಗಿಸಿದ ಗುರುವಿಗೆ ಕೃತಜ್ಞತೆಯನ್ನು ಅರ್ಪಿಸಿ ಅವರ ಆಶೀರ್ವಾದ, ಪ್ರೀತಿ ಹಾಗೂ ಕೃಪೆಗೆ ಪಾತ್ರರಾಗುವ ವಿಶೇಷ ದಿನವಾಗಿದೆ. ಇದರ ಪ್ರಯುಕ್ತ “ಶ್ರೀ ಗುರು ದತ್ತಾತ್ರೇಯ ಮೂಲಮಂತ್ರ ಹೋಮ” ವನ್ನು ನೆರವೇರಿಸಲಾಗುತ್ತದೆ.

5. ಮಹಾಯಜ್ಞ ಸಂಗಮ - 108 ಯಜ್ಞಗಳ ಸಂಗಮ

ಭಗವoತನಿoದ ಸೃಷ್ಟಿಯಾದ ಮಾನವ ಶರೀರಕ್ಕೆ ಆತ್ಮದ ಪ್ರವೇಶದ ಕ್ಷಣದಿಂದಲೇ ಆಧ್ಯಾತ್ಮಿಕ, ಆದಿದೈವಿಕ, ಆದಿಭೌತಿಕವೆಂಬ ತಾಪತ್ರಯಗಳನ್ನು ಹೊತ್ತೇ ಇರುತ್ತಾನೆ. ಅಷ್ಟೇ ಅಲ್ಲದೇ ಪೂರ್ವ ಜನ್ಮದ ಸುಕೃತದ ಲೇಶವೂ ಹಾಗೂ ದುಷ್ಕೃತದ ಫಲವಾದ ಕರ್ಮದ ಕ್ಲೇಶವೂ ಮಾನವನನ್ನು ನೆರಳನೋಪಾದಿಯಲ್ಲಿ ಹಿಂಬಾಲಿಸುತ್ತಿರುತ್ತದೆ. ಈ ಕರ್ಮಫಲಗಳನ್ನು ಕೇವಲ ದೇವತಾರಾಧನೆ ಹಾಗೂ ಯಜ್ಞದಿಂದಲೇ ಕಡಿಮೆ ಮಾಡಿಕೊಂಡು ಆರೋಗ್ಯಪೂರ್ಣವಾದ ನೆಮ್ಮದಿಯ ಜೀವನ ನಡೆಸಲು ಸಾಧ್ಯವೆನ್ನುವುದು ನಮ್ಮ ಪೂರ್ವಿಕರ ನಂಬಿಕೆಯೂ, ಶಾಸ್ತಿçÃಯವೂ ಆಗಿದೆ. ಅಂತೆಯೇ “ಅಗಿಮುಖಾವೈ ದೇವಾಃ” ಎಂಬAತೆ ವಿಧಿವತ್ತಾದ ಶಾಸ್ತೊçÃಕ್ತವಾದ ಯಜ್ಷ ಕರ್ಮದಿಂದ ಮಾತ್ರ ದೇವತೇಷ್ಟವಾದ ತತ್ತತ್ ದ್ರವ್ಯಗಳು ಅಗ್ನಿಮುಖೇನ ತತ್ತನ್ಮಂತ್ರ ಪೂರ್ವಕವಾಗಿ ಅಗ್ನಿಗೆ ಅರ್ಪಿಸಿದಲ್ಲಿ ಅಗ್ನಿಯ ಪತ್ನಿಯಾದ ಸ್ವಾಹಾ ದೇವಿಯ ಮುಖಾಂತರ ಆಯಾ ದೇವತೆಗಳಿಗೆ ತಲುಪಿ ಸಂಕಲ್ಪಪೂರ್ವಕವಾದ ಇಷ್ಟಾರ್ಥಗಳು ನೆರವೇರುತ್ತದೆಂಬುದು ಅದಮ್ಯ ನಂಬಿಕೆ.

ವೈಜ್ಞಾನಿಕವಾಗಿಯೂ ಆಕಾಶದಲ್ಲಿರುವ ಓಜೋನ್ ಪದರದ ಅಭಿವೃದ್ಧಿಗೆ ಯಜ್ಞವು ಸಹಕಾರಿ ಎಂದು ಸಾಬೀತಾಗಿದೆ. ಸಾಮಾನ್ಯವಾಗಿ ಒಂದು ಅಥವಾ ಎರಡು ಯಜ್ಞಗಳನ್ನು ಒಂದೇ ಬಾರಿಗೆ ನೆರವೇರಿಸುವುದು ವಾಡಿಕೆ.ಆದರೆ ಕುಂಚೇಬೈಲಿನ ಧ್ಯಾನಮಂದಿರದಲ್ಲಿ ಒಂದೇ ಸ್ಥಳದಲ್ಲಿ 54 ಅಗ್ನಿಕುಂಡಗಳಲ್ಲಿ ಸುಮಾರು ೮೦ ಜನ ಋತ್ವಿಜರು ಪ್ರತ್ಯೇಕ ದೇವತೆಗಳನ್ನು ಉದ್ದೇಶಿಸಿ ೧೦೮ ಹೋಮ ಮಾಡಿರುವುದು ಅತಿ ಅಪರೂಪದ ಕಾರ್ಯಕ್ರಮವಾಗಿತ್ತು.

ಲೋಕಕಲ್ಯಾಣಾರ್ಥವಾಗಿ, ಶೃಂಗೇರಿ ಕ್ಷೇತ್ರದ ಕಲ್ಯಾಣಕ್ಕಾಗಿ ನಡೆದ ಈ ಹೋಮವು ಮಲೆನಾಡಿನಲ್ಲಿಯೇ ಮೊದಲ ಬಾರಿಗೆ ನಡೆದ ಕಾರ್ಯಕ್ರಮವಾಗಿದೆ.

6. 1800 ಜನರಿಂದ ಭಗವದ್ಗೀತಾ ಪಾರಾಯಣ

ಗೀತಾಧ್ಯಯನ ಶೀಲಸ್ಯ ಪ್ರಾಣಾಯಾಮ ಪರಿಸ್ಯ ಚ

ನೈವ ಸಂತಿ ಹಿ ಪಾಪಾನಿ ಪೂರ್ವಜನ್ಮ ಕೃತಾನಿ ಚ

“ಗೀತೆಯನ್ನು ಸತತವಾಗಿ ಅಧ್ಯಯನ ಮಾಡುವವನಿಗೆ ಹಾಗೂ ಪ್ರಾಣಾಯಾಮವನ್ನು ಮಾಡುತ್ತಿರುವವನಿಗೆ ಪೂರ್ವ ಜನ್ಮದಲ್ಲಿ ಮಾಡಿದ ಪಾಪಗಳು ನಾಶವಾಗುತ್ತದೆ. ಹಾಗೂ ಈ ಜನ್ಮದಲ್ಲಿನ ಯಾವ ಪಾಪಗಳೂ ಅಂಟುವುದಿಲ್ಲ.” ಎಂಬುದು ಈ ಶ್ಲೋಕದ ಅರ್ಥವಾಗಿದೆ.

“ಭಗವದ್ಗೀತೆ”ಯು ಅತ್ಯಂತ ಪವಿತ್ರ ಗ್ರಂಥಗಳಲ್ಲಿ ಒಂದು.ಇದು ಶ್ರೀಕೃಷ್ಣನ ಮುಖವಾಣಿ. “ನನ್ನ ಧರ್ಮ”ಏನು ಎನ್ನುವುದು ಕೃಷ್ಣಾರ್ಜುನರ ಸಂವಾದದ ರೂಪದಲ್ಲಿದೆ. ಗೀತೆ ಎನ್ನುವುದು ಕೇವಲ ಕೃಷ್ಣಾರ್ಜುನರ ಸಂವಾದ ಮಾತ್ರವಲ್ಲ. ಅದು ೨ ಶಕ್ತಿಗಳ ಸಮ್ಮಿಲನ. ಕೃಷ್ಣ ಎಂದರೆ- “ಪ್ರೇರಕ ಶಕ್ತಿ”, ಅರ್ಜುನ ಎಂದರೆ-“ಕ್ರಿಯಾಶಕ್ತಿ”. ಎಲ್ಲಿ ಈ ೨ ಶಕ್ತಿಗಳು ಒಂದಾಗಿರುತ್ತವೆಯೋ ಅಲ್ಲಿ ಗೆಲುವು ಎನ್ನುವುದು ನಿಶ್ಚಿತ. ಕರ್ಮ, ಜ್ಞಾನ, ಯೋಗ ಭಕ್ತಿ ಇವು ನಮ್ಮನ್ನು ಭಗವಂತನೆಡೆಗೆ ಕೊಂಡೊಯ್ಯುವ ಮಾರ್ಗಗಳು ಎಂದು ಇದು ತಿಳಿಸಿದೆ.

ನಮ್ಮ ಇಡೀ ಜೀವನದ ಎಲ್ಲಾ ಸಮಸ್ಯೆಗಳಿಗೆ, ಗೊಂದಲಗಳಿಗೆ ಪರಿಹಾರ ಈ ಭಗವದ್ಗೀತೆಯಲ್ಲಿ ಸಿಗುವಂತದ್ದು.ಇದು ನಾವು ನೋಡುವ ಜೀವನದ ದೃಷ್ಟಿಕೋನವನ್ನೇ ಬದಲಾಯಿಸುತ್ತದೆ. ಇದರಲ್ಲಿ ಪ್ರಕೃತಿ ಮತ್ತು ನಮ್ಮ ನಡುವಿನ ಸಂಬAಧ ಹೇಗಿರಬೇಕು ಎನ್ನುವುದನ್ನೂ ಕೂಡ ಒಳಗೊಂಡಿದೆ.

ಸುಮಾರು ಒಂದು ವರ್ಷಗಳ ಕಾಲ ಈ ಭಗವದ್ಗೀತೆಯನ್ನು ಅನೇಕರಿಗೆ ಹೇಳಿಕೊಟ್ಟು , ಅದರ ಸಾರಾಂಶವನ್ನು ಸರಳವಾಗಿ ಎಲ್ಲರಿಗೂ ಅರ್ಥವಾಗುವ ರೀತಿಯಲ್ಲಿ ತಿಳಿಸಿ ಒಂದು ವರ್ಷದ ನಂತರ ಎಲ್ಲರೂ ಒಂದೆಡೆ ಕುಳಿತು ೧೮ ಅಧ್ಯಾಯದ ಪಾರಾಯಣ ಮಾಡಿರುತ್ತಾರೆ. ಇದೊಂದು ಅದ್ಭುತ ಕಾರ್ಯಕ್ರಮವಾಗಿ ಮೂಡಿಬಂದಿದ್ದಲ್ಲದೇ ಮನೆ ಮನೆಯಲ್ಲೂ ಇದರ ಪಠಣ, ಮುಖ್ಯವಾಗಿ ಮಕ್ಕಳಿಗೆ ಭಗವದ್ಗೀತೆ ಪಠಣ ಮಾಡುವುದಕ್ಕೆ ಉತ್ತಮ ಪ್ರೇರಣೆ ದೊರೆಯಿತು. ಲೋಕಕಲ್ಯಾಣಾರ್ಥವಾಗಿ ನಡೆದ ಈ ಕಾರ್ಯಕ್ರಮದಲ್ಲಿ “ಭಗವದ್ಗೀತಾ ಪಾರಾಯಣ ಮತ್ತು ಭಗವದ್ಗೀತಾ ಹೋಮ”ವು ಅತ್ಯಂತ ಯಶಸ್ವಿಯಾಗಿ ನೆರವೇರಿರುತ್ತದೆ.

7. ಧ್ಯಾನಮಂದಿರದಲ್ಲಿ ಲಕ್ಷ್ಮಿ ಪೂಜೆ

ಲಕ್ಷ್ಮಿ ಪೂಜೆಯು ದೀಪಾವಳಿಯ ಮೂರನೇ ದಿನದಂದು ಲಕ್ಷ್ಮಿ ದೇವಿಯನ್ನು ಪೂಜಿಸುವ ದಿನವಾಗಿದೆ.ಲಕ್ಷ್ಮಿ ದೇವಿಯು ಸಂಪತ್ತು, ಸಮೃದ್ಧಿ ಮತ್ತು ಸಂತೋಷವನ್ನು ಪ್ರತಿನಿಧಿಸುತ್ತಾಳೆ.

ಜ್ಞಾನಜ್ಯೋತಿ ಮಂದಿರದಲ್ಲಿ ಲಕ್ಷ್ಮಿ ಪೂಜೆಯನ್ನು ಸoಭ್ರಮದಿoದ ಆಚರಿಸಲಾಗುತ್ತದೆ.

8. ಲಲಿತ ಸಹಸ್ರನಾಮ ಹಾಗೂ ವಿಷ್ಣು ಸಹಸ್ರನಾಮ ಪಾರಾಯಣ

“ಸಹಸ್ರನಾಮ”ಕ್ಕೆ ನಮ್ಮ ಧಾರ್ಮಿಕ ಪದ್ಧತಿಯಲ್ಲಿ ವಿಶೇಷವಾದ ಮಹತ್ವವಿದೆ. ಇದರ ಪಠಣ ಮಾಡುವುದರಿಂದ ಮನಸ್ಸು ಶುದ್ಧಿಯಾಗುತ್ತದೆ. ಅನೇಕ ಸಹಸ್ರನಾಮಗಳು ಅಸ್ತಿತ್ವದಲ್ಲಿದ್ದು ಅದರಲ್ಲಿ ಮುಖ್ಯವಾಗಿ ಲಲಿತಾ ಸಹಸ್ರನಾಮ ‘ಲಲಿತಾ’ ಅಂದರೆ ದೇವಿ. ಈ ಲಲಿತಾ ಸಹಸ್ರನಾಮವು ದೇವಿಯ ೧೦೦೦ ಹೆಸರುಗಳು ಹಾಗೂ ಅದರ ಗುಪ್ತ ಅರ್ಥಗಳಿಂದ ಇದು ಸಮೃದ್ಧವಾಗಿದೆ. ಹಾಗೂ ವಿಷ್ಣು ಸಹಸ್ರನಾಮದಲ್ಲಿ ವಿಷ್ಣುವಿನ ೧೦೦೦ ಹೆಸರುಗಳನ್ನು ವಿವರಿಸಲಾಗಿದೆ.

ಕುಂಚೇಬೈಲಿನ ಧ್ಯಾನಮಂದಿರದಲ್ಲಿ ಲೋಕಕಲ್ಯಾಣಾರ್ಥವಾಗಿ ನೂರಾರು ಜನರು ಒಂದೆಡೆ ಕುಳಿತು ಒಂದು ದಿನ “ಸಾಮೂಹಿಕ ಲಲಿತಾ ಸಹಸ್ರನಾಮ ಪಾರಾಯಣ ಹಾಗೂ ಹೋಮ” ಹಾಗೂ ಇನ್ನೊಂದು ದಿನ “ಸಾಮೂಹಿಕ ವಿಷ್ಣು ಸಹಸ್ರನಾಮ ಪಾರಾಯಣ ಹಾಗೂ ಹೋಮವನ್ನು ನೆರವೇರಿಸಿರುತ್ತಾರೆ. ಇದರಿಂದ ಧನಾತ್ಮಕ ಶಕ್ತಿಯ ಜೊತೆಗೆ ದೈವೀಕ ಶಕ್ತಿಯು ವೃದ್ಧಿಯಾಗುತ್ತದೆ.

9. ಸುಮಾರು 360 ಜೋಡಿಗಳಿಂದ ಸಾಮೂಹಿಕ ಸತ್ಯನಾರಾಯಣ ಪೂಜೆ ಕಾರ್ಯಕ್ರಮ

ಪೂಜೆ ಎಂದರೆ ಕೇವಲ ಹೊರಗಡೆಯ ವಸ್ತುಗಳನ್ನು ಅರ್ಪಣೆ ಮಾಡುವುದಷ್ಟೇ ಆಗಿರದೇ ಭಗವಂತನ ಜೊತೆ ಎಲ್ಲರೂ ಭಾವನಾತ್ಮಕವಾಗಿ ಹಾಗೂ ಭಕ್ತಿಪೂರ್ವಕವಾಗಿ ಭಗವಂತನ ಸಾನಿಧ್ಯವನ್ನು ಅನುಭವ ಮಾಡಿಕೊಳ್ಳುವುದಾಗಿರುತ್ತದೆ. ”ಸಾಮೂಹಿಕ ಸತ್ಯ ನಾರಾಯಣ ಪೂಜೆ”ಯಲ್ಲಿ ಭಾಗವಹಿಸುವುದರಿಂದ ನಮ್ಮ ಆಂತರಿಕ ಶಕ್ತಿ ವೃದ್ಧಿಸುವುದಲ್ಲದೇ ಎಲ್ಲರೂ ಒಟ್ಟಾಗಿ ಒಮ್ಮನಸ್ಸಿನಿಂದ ಭಗವಂತನ ಆರಾಧನೆಗೈಯುವುದರಿಂದ ಭಗವಂತನ ವಿಶೇಷ ಕೃಪಾಕಟಾಕ್ಷಕ್ಕೆ ಪಾತ್ರರಾಗಲು ಸಾಧ್ಯವಾಗುತ್ತದೆ.

ಜ್ಞಾನಜ್ಯೋತಿ ಮಂದಿರದ ಮೊದಲ ವರ್ಷದ ವಸಂತ ಮಹೋತ್ಸವದ ಸುಸಂದರ್ಭದಲ್ಲಿ ಲೋಕಕಲ್ಯಾಣಾರ್ಥವಾಗಿ ನಡೆದ ಈ “ ಸಾಮೂಹಿಕ ಸತ್ಯ ನಾರಾಯಣ ಪೂಜೆ” ಯಲ್ಲಿ ಸುಮಾರು ೩೬೦ ಜೋಡಿಗಳು ಕುಳಿತು ಪೂಜೆಯನ್ನು ನೆರವೇರಿಸಿರುತ್ತಾರೆ.

10. ಸಾರ್ವಜನಿಕ ಗಣೇಶೋತ್ಸವ

ಹಬ್ಬಗಳಲ್ಲಿ ಗಣೇಶ ಹಬ್ಬವು ಅತ್ಯಂತ ವಿಜೃಂಭಣೆಯಿAದ, ಉತ್ಸಾಹದಿಂದ ಆಚರಿಸುವ ಹಬ್ಬವಾಗಿದೆ. ಕುಂಚೇಬೈಲಿನ ಧ್ಯಾನಮಂದಿರದಲ್ಲಿ 2012, 2018, 2019 ರಲ್ಲಿ ಸಾರ್ವಜನಿಕವಾಗಿ ಗಣೇಶೋತ್ಸವ ಕಾರ್ಯಕ್ರಮವನ್ನು ಅದ್ಧೂರಿಯಾಗಿ ವಿಜೃಂಭಣೆಯಿAದ ಆಚರಿಸಲಾಗಿತ್ತು. ಹಾಗೂ ಈ ಸಂದರ್ಭದಲ್ಲಿ ಅನೇಕ ಕಾರ್ಯಕ್ರಮಗಳನ್ನು, ವಿವಿಧ ಗ್ರಾಮೀಣ ಆಟೋಟ ಸ್ಫರ್ಧೆಗಳಾದ ಕೆಸರುಗದ್ದೆ ಓಟ, ಹಗ್ಗ ಜಗ್ಗಾಟ ಹಾಗೂ ಇನ್ನೂ ಅನೇಕ ಒಳಾಂಗಣ ಆಟೋಟ ಸ್ಫರ್ಧೆಗಳನ್ನು ಏರ್ಪಡಿಸಲಾಗಿತ್ತು. ಜನರು ಅತ್ಯಂತ ಉತ್ಸಾಹದಿಂದ ಇವುಗಳಲ್ಲಿ ಪಾಲ್ಗೊಂಡಿರುತ್ತಾರೆ.

11. ಸೌಂದರ್ಯ ಲಹರಿ ಹವನ ಮತ್ತು ಸ್ತೋತ್ರ ನಮಸ್ಕಾರ

“ಸೌಂದರ್ಯ ಲಹರಿ” ಶಂಕರಾಚಾರ್ಯರು ರಚಿಸಿದ ೧೦೦ ಶ್ಲೋಕಗಳ ಸಂಯೋಜನೆಯಾಗಿದೆ. ಮತ್ತು ಇದು ಲಲಿತಾ ದೇವಿಗೆ ಸಮರ್ಪಿತವಾದ ಶ್ಲೋಕಗಳಾಗಿವೆ. ಹಾಗೂ ಪ್ರತಿಯೊಂದು ಶ್ಲೋಕವೂ ತನ್ನದೇ ಆದ ಸ್ವತಂತ್ರ ‘ಯಂತ್ರ’ವನ್ನು ಹೊಂದಿದೆ. ಅಂದರೆ ಪ್ರತಿಯೊಂದು ಶ್ಲೋಕವೂ ತನ್ನದೇ ಆದ ಶಕ್ತಿಯನ್ನು ಹೊಂದಿರುತ್ತದೆ.

ಜ್ಞಾನಜ್ಯೋತಿ ಯೋಗಕೇಂದ್ರದ ವತಿಯಿಂದ ಒಂದು ವರ್ಷಗಳ ಕಾಲ ಈ ಸೌಂದರ್ಯ ಲಹರಿಯನ್ನು ಅನೇಕರಿಗೆ ಪಠಣ ಮಾಡಲು ಹೇಳಿಕೊಟ್ಟು ಹಾಗೂ ಅದರ ಅರ್ಥವನ್ನು ತಿಳಿಸಿ ನಂತರ ಒಂದು ವರ್ಷದ ನಂತರ ಎಲ್ಲರೂ ಒಟ್ಟಾಗಿ ಕುಂಚೇಬೈಲಿನ ಧ್ಯಾನ ಮಂದಿರದಲ್ಲಿ “ಸೌಂದರ್ಯ ಲಹರಿ ಹವನ ಮತ್ತು ಸ್ತೋತ್ರ ನಮಸ್ಕಾರ” ಕಾರ್ಯಕ್ರಮವು ಅತ್ಯಂತ ಅದ್ಭುತವಾಗಿ ನೆರವೇರಿತು. ವಿಶೇಷವಾಗಿ ಇಲ್ಲಿ ೧೦೦ ಜೋಡಿಗಳು ೧೦೦ ಶ್ಲೋಕದ ‘ಯಂತ್ರ’ವನ್ನು ಇಟ್ಟು ಅದಕ್ಕೆ ಪೂಜೆ ಸಲ್ಲಿಸಿರುತ್ತಾರೆ ನಂತರ ಒಂದೊAದು ಶ್ಲೋಕವನ್ನು ಪಠಿಸಿ ಪ್ರದಕ್ಷಿಣೆ ಮಾಡಿ ನಮಸ್ಕರಿಸಿ ಹೀಗೆ ೧೦೦ ಪ್ರದಕ್ಷಿಣೆ ನಮಸ್ಕಾರ ಮಾಡಿರುತ್ತಾರೆ. ನಂತರ ಕೊನೆಯಲ್ಲಿ ಪೂರ್ಣಾಹುತಿಗೆ ಒಂದೊAದೇ ಶ್ಲೋಕವನ್ನು ಎಲ್ಲರೂ ಪಠಿಸಿ, ಪ್ರತಿಯೊಂದು ಜೋಡಿಯೂ(ಒಂದು ಶ್ಲೋಕಕ್ಕೆ ಒಂದು ಜೋಡಿಯಂತೆ) ಸ್ವತಃ ಅವರೇ ಆಹುತಿಯನ್ನು ಹೋಮಕ್ಕೆ ಸಮರ್ಪಣೆ ಮಾಡಿ ಸಾರ್ಥಕತೆಯನ್ನು ಪಡೆದಿರುತ್ತಾರೆ.

12. ರುದ್ರ ಏಕಾದಶನಿ ಹೋಮ

ಆಧ್ಯಾತ್ಮಿಕ ಸಾಧನ ಮಾರ್ಗದಲ್ಲಿ ವೇದ ಮಂತ್ರಗಳ ನಿತ್ಯಪಾರಾಯಣಕ್ಕೆ ಒಂದು ವಿಶಿಷ್ಟ ಸ್ಥಾನವಿದೆ. ಮಂತ್ರಗಳನ್ನು ಸ್ವರಕ್ರಮವನ್ನು ಅನುಸರಿಸಿ ಉಚ್ಛರಿಸಬೇಕು. ಇದರಿಂದ ಮನಸ್ಸು ಉದಾತ್ತಭಾವಕ್ಕೇರುವುದು ಎಂದು ಶಾಸ್ತçಗಳು ಹೇಳುತ್ತವೆ. ಅದರಲ್ಲಿ ಶಿವನಿಗೆ ಸಂಬAಧಿಸಿದ “ರುದ್ರ”ವೂ ಒಂದು.

ರುದ್ರನು ಲಯ ಹಾಗೂ ಶುದ್ಧೀಕರಣದ ಸಂಕೇತನಾಗಿದ್ದಾನೆ. ವಿಶೇಷವಾಗಿ ಪುರುಷರು ರುದ್ರದ ಅಭ್ಯಾಸ ಹಾಗೂ ಪಠಣ ಮಾಡುವುದರಿಂದ ಅದ್ಭುತ ಶಕ್ತಿಯನ್ನು ಸಂಪಾದಿಸಬಹುದಾಗಿದೆ.

ಕುಂಚೇಬೈಲಿನ ಧ್ಯಾನಮಂದಿರದಲ್ಲಿ ಲೋಕಕಲ್ಯಾಣಾರ್ಥವಾಗಿ ನಡೆದ “ರುದ್ರ ಏಕಾದಶನಿ ಹೋಮ”ವು ಅತ್ಯಂತ ಸಮರ್ಪಕವಾಗಿ ನೆರವೇರಿತು.

ಸಾಂಸ್ಕೃತಿಕ ಹಾಗೂ ಕ್ರೀಡಾ ಕಾರ್ಯಕ್ರಮಗಳು

• “ದಾಸವಾಣಿ ಕಾರ್ಯಕ್ರಮ”

  2019ರಲ್ಲಿ ನಡೆದ 108 ಹೋಮಗಳ ಮಹಾಯಜ್ಞ ಸಂಗಮ ಕಾರ್ಯಕ್ರಮದ ಶುಭಸಂದರ್ಭದಲ್ಲಿ ವಿದ್ವಾನ್ ಮೈಸೂರು ರಾಮಚಂದ್ರಾಚಾರ್ ಇವರಿಂದ ಹಲವು ದಾಸಕೀರ್ತನೆಗಳ ಹಾಡುಗಾರಿಕೆಯು ಜನರನ್ನು ಗಾನಲೋಕದಲ್ಲಿ ಮುಳುಗುವಂತೆ ರಮಣೀಯವಾಗಿ ಮೂಡಿಬಂದಿರುತ್ತದೆ.

  2021ರಲ್ಲಿ ನಡೆದ “ಹೃದಯ ಸಂಗಮ” ಕಾರ್ಯಕ್ರಮದ ಪ್ರಯುಕ್ತ ಸಂಗೀತ ವಿದ್ಯಾನಿಧಿ ಡಾ. ವಿದ್ಯಾಭೂಷಣ, ಬೆಂಗಳೂರು ಇವರಿಂದ ದಾಸ ಕೀರ್ತನೆಗಳ ಹಾಡುಗಾರಿಕೆಯು ಜನರ ಹೃದಯ ಮುಟ್ಟುವಂತೆ ಮೂಡಿಬಂದಿರುತ್ತದೆ.

  

• “ಹರಿಕಥೆ”

  “ಸುಂದರ ಕಾಂಡ”

  2021ರಲ್ಲಿ ನಡೆದ “ಹೃದಯ ಸಂಗಮ” ಕಾರ್ಯಕ್ರಮದ ಪ್ರಯುಕ್ತ ಕೀರ್ತನಾ ಚತುರ ಶಿರಸಿ ಶ್ರೀ ನಾರಾಯಣ ದಾಸರು ಇವರಿಂದ ಸುಂದರ ಕಾಂಡ ಹರಿಕಥೆ ಕಾರ್ಯಕ್ರಮವು ಅದ್ಭುತವಾಗಿ ಮೂಡಿಬಂದಿರುತ್ತದೆ.

  “ಮಹಿಷಾಸುರ ಮರ್ದಿನಿ” ಹರಿಕಥೆ

  2022ರಲ್ಲಿ ನಡೆದ “ಹೃದಯ ಸಂಗಮ” ಕಾರ್ಯಕ್ರಮದ ಪ್ರಯುಕ್ತ ಕೀರ್ತನಾ ಚತುರ ಶಿರಸಿ ಶ್ರೀ ನಾರಾಯಣ ದಾಸರು ಇವರಿಂದ ಮಹಿಷಾಸುರ ಮರ್ದಿನಿ ಹರಿಕಥೆ ಕಾರ್ಯಕ್ರಮವು ಅದ್ಭುತವಾಗಿ ಮೂಡಿಬಂದಿರುತ್ತದೆ.

• “ಜಾನಪದ ಶೈಲಿಯ ಮುಖವಾಡ ರಚನೆ ಕಾರ್ಯಾಗಾರ”

  2021ರಲ್ಲಿ ನಡೆದ “ಹೃದಯ ಸಂಗಮ” ಕಾರ್ಯಕ್ರಮದ ಪ್ರಯುಕ್ತ ವಿಶೇಷವಾದ ಕಾರ್ಯಾಗಾರದ ಆಯೋಜನೆ ಮಾಡಲಾಗಿತ್ತು. ಉಡುಪಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತರಾದ ವೆಂಕಿ ಪಲಿಮಾರ್, ಟರ‍್ರಾಕೋಟ ಕಲಾವಿದರು, ಪಲಿಮಾರು ಇವರು ಈ ಕಾರ್ಯಾಗಾರವನ್ನು ಯಶಸ್ವಿಯಾಗಿ ನಡೆಸಿಕೊಟ್ಟಿರುತ್ತಾರೆ.

• “ಯಕ್ಷಗಾನ”

  “ಮಹಿಷಮರ್ದಿನಿ”

  2017ರಲ್ಲಿ ನಡೆದ ಜ್ಞಾನಜ್ಯೋತಿ ಮಂದಿರದ ಉದ್ಘಾಟನೆಯ ಸಂದರ್ಭದಲ್ಲಿ ಹಳುವಳ್ಳಿಯ ಶ್ರೀ ಕುಮಾರ ಸಾಂಸ್ಕೃತಿಕ ಪ್ರತಿಷ್ಠಾನ (ರಿ) ದ ಮಹಿಳೆಯರು ಹಾಗೂ ಮಕ್ಕಳಿಂದ ಮಹಿಷಮರ್ದಿನಿ ಪ್ರಸಂಗದ ಯಕ್ಷಗಾನವು ವೈಭವವಾಗಿ ಮೂಡಿಬಂದಿತು.

  “ಶಿವ ಪಂಚಾಕ್ಷರಿ ಮಹಿಮೆ”

  2017ರಲ್ಲಿ ನಡೆದ ಜ್ಞಾನಜ್ಯೋತಿ ಮಂದಿರದ ಉದ್ಘಾಟನೆಯ ಸಂದರ್ಭದಲ್ಲಿ ಆಯ್ದ ಕಲಾವಿದರುಗಳಿಂದ ಶಿವ ಪಂಚಾಕ್ಷರಿ ಮಹಿಮೆ ಯಕ್ಷಗಾನವು ಸೊಗಸಾಗಿ ಮೂಡಿಬಂದಿರುತ್ತದೆ.

  “ಗುರುದಕ್ಷಿಣೆ”

  2021ರಲ್ಲಿ ನಡೆದ “ಹೃದಯ ಸಂಗಮ” ಕಾರ್ಯಕ್ರಮದ ಪ್ರಯುಕ್ತ ತೆಂಕುತಿಟ್ಟಿನ ಪ್ರಸಿದ್ಧ ಕಲಾವಿದರ ಕೂಡುವಿಕೆಯಲ್ಲಿ ಗುರುದಕ್ಷಿಣೆ ಯಕ್ಷಗಾನ ತಾಳಮದ್ದಲೆ ಕಾರ್ಯಕ್ರಮವು ಸೊಗಸಾಗಿ ಮೂಡಿಬಂದಿರುತ್ತದೆ.

  “ಗೀತೋಪದೇಶ”

  2022ರಲ್ಲಿ ನಡೆದ “ಹೃದಯ ಸಂಗಮ” ಕಾರ್ಯಕ್ರಮದ ಪ್ರಯುಕ್ತ ಪ್ರಸಿದ್ಧ ಕಲಾವಿದರ ಉಪಸ್ಥಿತಿಯಲ್ಲಿ ಗೀತೋಪದೇಶ ಯಕ್ಷಗಾನ ತಾಳಮದ್ದಲೆ ಕಾರ್ಯಕ್ರಮವು ಸೊಗಸಾಗಿ ಮೂಡಿಬಂದಿರುತ್ತದೆ.

• “ಭರತನಾಟ್ಯ” ಕಾರ್ಯಕ್ರಮ

  2022ರಲ್ಲಿ ನಡೆದ “ಹೃದಯ ಸಂಗಮ” ಕಾರ್ಯಕ್ರಮದ ಪ್ರಯುಕ್ತ ನಾಟ್ಯಾಚಾರ್ಯ ವಿದ್ವಾನ್ ಜನಾರ್ದನ ಭಟ್ ವೃಂದ ನಾಟ್ಯ ತರಂಗ ಟ್ರಸ್ಟ್, ಸಾಗರ ಇವರಿಂದ “ಭರತನಾಟ್ಯ” ಕಾರ್ಯಕ್ರಮವು ಅಮೋಘವಾಗಿ ಮೂಡಿಬಂದಿತು.

• “ಭಜನ್ ತರಂಗ”

  2022ರಲ್ಲಿ ನಡೆದ “ಹೃದಯ ಸಂಗಮ” ಕಾರ್ಯಕ್ರಮದ ಪ್ರಯುಕ್ತ ವಿದುಷಿ ನಂದಿನಿ.ಪಿ ರಾವ್ ಪೂನಾ ಮತ್ತು ತಂಡದವರಿAದ “ಭಜನ್ ತರಂಗ” ಕಾರ್ಯಕ್ರಮವು ಸುಂದರವಾಗಿ ಮೂಡಿಬಂದಿರುತ್ತದೆ.

• “ಕೃಷ್ಣವೇಷ ಸ್ಫರ್ಧೆ”

  2022ರಲ್ಲಿ ನಡೆದ “ಹೃದಯ ಸಂಗಮ” ಕಾರ್ಯಕ್ರಮದ ಪ್ರಯುಕ್ತ ೫ರಿಂದ ೧೦ ವರ್ಷದ ಒಳಗಿನ ಮಕ್ಕಳಿಗೆ ಕೃಷ್ಣವೇಷ ಸ್ಫರ್ಧೆಯನ್ನು ಆಯೋಜಿಸಲಾಗಿತ್ತು. ಆ ಪುಟ್ಟ, ಮುದ್ದು ಮಕ್ಕಳು ಜನರ ಗಮನವನ್ನು ಸೆಳೆದರು.

• “ಭಕ್ತಿ ಸಂಗೀತ” ಕಾರ್ಯಕ್ರಮ

  2017ರಲ್ಲಿ ಜ್ಞಾನಜ್ಯೋತಿ ಮಂದಿರದ ಲೋಕಾರ್ಪಣೆಯ ಸಂದರ್ಭದಲ್ಲಿ ಹೆಸರಾಂತ ಗಾಯಕರಾದ ಶ್ರೀ ಪುತ್ತೂರು ನರಸಿಂಹ ನಾಯಕ್ ಇವರಿಂದ ಭಕ್ತಿಗೀತೆಗಳ ಕಾರ್ಯಕ್ರಮವು ಸುಂದರವಾಗಿ ಮೂಡಿಬಂದಿರುತ್ತದೆ.

• “ಕಬಡ್ಡಿ ಪಂದ್ಯಾವಳಿ”

  ನಮ್ಮ ದೇಶೀ ಕ್ರೀಡೆಯಾದ ಕಬಡ್ಡಿಯನ್ನು ಉತ್ತೇಜಿಸುವ ಸಲುವಾಗಿ ಜ್ಞಾನಜ್ಯೋತಿ ಯೋಗಕೇಂದ್ರದ ವತಿಯಿಂದ ಜಿಲ್ಲಾ ಮಟ್ಟದ ಕಬಡ್ಡಿ ಪಂದ್ಯಾವಳಿಯನ್ನು ಆಯೋಜನೆ ಮಾಡಲಾಗಿತ್ತು.

  

  

ಹಸಿರು ಉಸಿರು ಕಾರ್ಯಕ್ರಮ

“ಪ್ರಕೃತಿ” ಎನ್ನುವುದು ನಮ್ಮ ಜೀವನದ ಅವಿಭಾಜ್ಯ ಅಂಗವಾಗಿದೆ. ಅದಿಲ್ಲದೇ ನಮ್ಮ ಜೀವನವನ್ನು ಕಲ್ಪನೆ ಮಾಡುವುದೂ ಅಸಾಧ್ಯ. ಅಂತಹ ಪ್ರಕೃತಿಯನ್ನು ಸಂರಕ್ಷಣೆ ಮಾಡುವುದು ಎಲ್ಲರ ಕರ್ತವ್ಯವಾಗಿದೆ. “ಹಸಿರು ಉಸಿರು” ಕಾರ್ಯಕ್ರಮವು ಈ ಪ್ರಕೃತಿ ಸಂಪತ್ತನ್ನು ಸಂರಕ್ಷಿಸುವ ಸಲುವಾಗಿ ಮಾಡಿದ ಕಾರ್ಯಕ್ರಮವಾಗಿತ್ತು. ಈ ಕಾರ್ಯಕ್ರಮದ ಮೂಲಕ ಅನೇಕರಿಗೆ ಅವರ ಮನೆಗೇ ತೆರಳಿ ಉಚಿತವಾಗಿ ಕಲ್ಪವೃಕ್ಷವಾದ ತೆಂಗಿನ ಸಸಿಗಳನ್ನು ನೀಡಿರುತ್ತಾರೆ. ಇದರಿಂದಾಗಿ ಅವರು ಪಡೆದ ಸಸಿಗಳ ಮೇಲೆ ವಿಶೇಷ ಕಾಳಜಿಯಿಂದ ಮುತುವರ್ಜಿ ವಹಿಸಿ ನೋಡಿಕೊಳ್ಳುತ್ತಾರೆ. ಹಾಗೇ ಇಂದಿನ ಯುವ ಜನತೆ ಹಾಗೂ ಮಕ್ಕಳು ಹೇಳಿದ್ದನ್ನು ಕಲಿಯುವುದಕ್ಕಿಂತ ನೋಡಿ ಕಲಿತು ಅಳವಡಿಸಿಕೊಳ್ಳುವುದೇ ಹೆಚ್ಚು. ಹಾಗಾಗಿ “ಗಿಡವನ್ನು ನೆಟ್ಟು ಬೆಳೆಸು” ಎಂದು ಹೇಳುವುದಕ್ಕಿಂತ ನಾವೇ ನೆಟ್ಟು ಅದನ್ನು ಪೋಷಿಸಿದಾಗ ಅದನ್ನು ನೋಡಿ ಅವರು ಅದನ್ನು ಅನುಸರಿಸುವ ಪ್ರಮಾಣ ಜಾಸ್ತಿ ಇರುತ್ತದೆ. ಹೀಗೆ ಅವರಲ್ಲೂ ಪ್ರಕೃತಿ ರಕ್ಷಣೆಯ ಬಗ್ಗೆ ಅರಿವು ಮೂಡಿಸಿದಂತಾಗುತ್ತದೆ.

ಪಾದಯಾತ್ರೆ

“ಪಾದಯಾತ್ರೆ” ಹೆಸರೇ ಸೂಚಿಸುವಂತೆ ಯಾತ್ರೆಗೆ ನಡೆದುಕೊಂಡು ಹೋಗಿ ದೇವರನ್ನು ಕಾಣುವುದು. ದೇವರ ಸನ್ನಿಧಾನಕ್ಕೆ ನಡೆದೇ ಹೋಗಿ ಅಲ್ಲಿ ದರ್ಶನ ಮಾಡುವುದು ವಿಶೇಷವಾದ ಅನುಭವವನ್ನು ನೀಡುತ್ತದೆ. ಪಾದಯಾತ್ರೆಯಿಂದ ಆರೋಗ್ಯ ವೃದ್ಧಿಯಾಗುವುದಲ್ಲದೇ, ವ್ಯಕ್ತಿಗಳ ನಡುವಿನ ಬಾಂಧವ್ಯ-ಸಾಮರಸ್ಯ ಹೆಚ್ಚಾಗುತ್ತದೆ. ಅತಿ ಹೆಚ್ಚಿನ ಕಾಲ ಪ್ರಕೃತಿಯ ಮಧ್ಯೆ ಕಳೆಯುವುದರಿಂದ ಪ್ರಕೃತಿಯ ಜೊತೆಗಿನ ಸಂಬAಧ ಉತ್ತಮವಾಗುತ್ತದೆ.

ಜ್ಞಾನ ಜ್ಯೋತಿ ಯೋಗಕೇಂದ್ರದ ವತಿಯಿಂದ ಶೃಂಗೇರಿಯಿAದ - ಕಿಗ್ಗಾ ಗೆ ಒಂದು ಬಾರಿ ಹಾಗೂ ಹೊರನಾಡಿನ ರಥೋತ್ಸವದ ಸಂದರ್ಭದಲ್ಲಿ ಶೃಂಗೇರಿಯಿAದ - ಹೊರನಾಡಿಗೆ ೨ ಬಾರಿ ಪಾದಯಾತ್ರೆಯನ್ನು ಕೈಗೊಂಡು ಯಶಸ್ವಿಯಾಗಿ ಪೂರ್ಣಗೊಳಿಸಲಾಯಿತು. ಇದರಲ್ಲಿ ಸುಮಾರು ೫೦ ಜನ ಧ್ಯಾನಿಗಳು ಭಾಗವಹಿಸಿರುತ್ತಾರೆ.

ಮಂತ್ರಾಲಯದಲ್ಲಿ ಸೇವೆ

ಪ್ರಸಿದ್ಧ ರಾಯರ ಕ್ಷೇತ್ರ ಮಂತ್ರಾಲಯದಲ್ಲಿ ಪ್ರತಿವರ್ಷವೂ ಆರಾಧನಾ ಮಹೋತ್ಸವವು ಅದ್ಧೂರಿಯಾಗಿ ನಡೆಯುತ್ತದೆ. ಲಕ್ಷಾಂತರ ಭಕ್ತರ ಪಾಲಿಗೆ ಕಲ್ಪತರು ಆಗಿ ಅನುಗ್ರಹಿಸುವ ರಾಯರ ಬೃಂದಾವನ ಇರುವ ಸ್ಥಳ ಇದಾಗಿದೆ.

ಜ್ಞಾನಜ್ಯೋತಿ ಯೋಗಕೇಂದ್ರದಿoದ ಈ ಆರಾಧನಾ ಮಹೋತ್ಸವದ ಸಂದರ್ಭದಲ್ಲಿ ಅನೇಕ ಬಾರಿ ಮಂತ್ರಾಲಯಕ್ಕೆ ತೆರಳಿ ಅಲ್ಲಿ ಸೇವೆಯನ್ನು ಮಾಡಿ ಕೃತಾರ್ಥರಾಗಿರುತ್ತಾರೆ.

ಪಾನಕ ವಿತರಣಾ ಸೇವೆ

ನಾವು ಸೇವೆ ಮಾಡಬೇಕೆನ್ನುವ ಭಾವನೆ ಇದ್ದರೆ ಅವಕಾಶಗಳು ತಾನಾಗಿಯೇ ಸೃಷ್ಟಿಯಾಗುತ್ತವೆ. ಶೃಂಗೇರಿ ಶರನ್ನವರಾತ್ರಿಯು ೯ ದಿನಗಳ ಕಾಲ ಅತ್ಯಂತ ವಿಜೃಂಭಣೆಯಿAದ ನಡೆಯುವ ಕಾರ್ಯಕ್ರಮಗಳಲ್ಲಿ ಒಂದು. ಶರನ್ನವರಾತ್ರಿಯ ಕೊನೆಯ ದಿನದ ರಥೋತ್ಸವವು ಅದ್ಧೂರಿಯಾಗಿ ನಡೆಯುತ್ತದೆ. ಆ ದಿನ ಬಿಸಿಲಲ್ಲಿ ಸುಸ್ತಾದ ಭಕ್ತಾದಿಗಳಿಗೆ ಜ್ಞಾನಜ್ಯೋತಿ ಯೋಗಕೇಂದ್ರದ ವತಿಯಿಂದ ಉಚಿತವಾಗಿ ಪಾನಕ ವಿತರಣಾ ಸೇವೆಯನ್ನು ಮಾಡಲಾಯಿತು.

Some Photo Clicks of Guruji

ಜ್ಞಾನಜ್ಯೋತಿ ಯೋಗಕೇಂದ್ರದ ವತಿಯಿಂದ ಕೈಗೊಂಡ ಪ್ರವಾಸಗಳು

ಮನುಷ್ಯ ತನ್ನ ಜೀವನದಲ್ಲಿ ನೋಡಿ, ಕೇಳಿ, ಓದಿ ಕಲಿತ ವಿಷಯಗಳಿಗಂತ ಅನುಭವಗಳ ಮೂಲಕ ಕಲಿತ ವಿಷಯಗಳನ್ನು ಹೆಚ್ಚು ನೆನಪಿನಲ್ಲಿ ಇಟ್ಟುಕೊಳ್ಳುತ್ತಾನೆ. ಏಕೆಂದರೆ ‘ಪ್ರಾಯೋಗಿಕ ಜ್ಞಾನ’ವು ‘ಸೈದ್ಧಾಂತಿಕ ಜ್ಞಾನ’ಕ್ಕಿಂತ ಅತ್ಯಂತ ಪರಿಣಾಮಕಾರಿಯಾಗಿರುತ್ತದೆ. ಹಾಗಾಗಿ ಪ್ರವಾಸ ಎನ್ನುವುದು ಜೀವನದಲ್ಲಿ ಅನೇಕ ಅನುಭವಗಳನ್ನು ಸೃಷ್ಟಿ ಮಾಡಿ ಕೊಡುತ್ತದೆ. ಹಾಗೂ ಈ ಪ್ರವಾಸಗಳು ಜೀವನದಲ್ಲಿ ಸಕಾರಾತ್ಮಕ ಬದಲಾವಣೆಯನ್ನು ತರುವುದಲ್ಲದೇ ನಮ್ಮನ್ನು ಚೈತನ್ಯಯುತವಾಗಿ, ಕ್ರಿಯಾಶೀಲವಾಗಿಡುವುದಕ್ಕೆ ಪ್ರೇರಣೆಯನ್ನು ನೀಡುತ್ತವೆ. ಹಾಗೂ ಪ್ರವಾಸದ ಮೂಲಕ ನಾವು ಸಾಕಷ್ಟು ವಿಷಯಗಳನ್ನು ಕಲಿಯಬಹುದು.

ಜ್ಞಾನಜ್ಯೋತಿ ಯೋಗಕೇಂದ್ರದ ವತಿಯಿಂದ ಹಲವಾರು ಪ್ರವಾಸಗಳನ್ನು ಕೈಗೊಂಡು ಅದರ ಮೂಲಕ ಅದ್ಭುತವಾದ ಅನುಭವಗಳು, ಜ್ಞಾನವನ್ನು ಪಡೆದುಕೊಂಡಿರುತ್ತಾರೆ.

ಇದರಲ್ಲಿ ಹಲವಾರು ಪುಣ್ಯಕ್ಷೇತ್ರಗಳು, ವಿದೇಶಿ ಪ್ರವಾಸಗಳು, ಪ್ರಾಕೃತಿಕವಾಗಿ ಸುಂದರವಾಗಿರುವ ಪ್ರದೇಶಗಳು ಸೇರಿವೆ.

ಶೃಂಗೇರಿ – ಕಾಶ್ಮೀರ್ ಗೆ ಕಾರ್‌ನಲ್ಲಿ ರೋಡ್‌ಟ್ರಿಪ್

ಕಾಶಿ- ಅಯೋಧ್ಯಾ- ಪ್ರಯಾಗ್-ಗಯಾ

ವಿಯೆಟ್ನಾಂ (Vietnam)

ಒರಿಸ್ಸಾ – ಕಲ್ಕತ್ತಾ